شعر عن الأم

{بسم الله الرحمن الرحيم }
اليوم جايبة لكم شعر عن الأم
وانشاء الله يعجبكم
نبدأ
______________________________________________________________________
{ ( الأم ) }
قصيدتي زاد بعيوني جمالها وأخذت أنقي بالمعاني جزالها
وأكتب معانيها من الشوق والغلا لأمي وأنا أصغر شاعر من عيالها
كتبتها في غربتي يوم رحلتي لما طرالي بالسفر ما طرالها
أمي وأنا بوصفلها زود حبها وإن ما حكيتلها قصيدي حكالها
أمي لها بالجوف والقلب منزله مكانة ما كل محبوب نالها
أقرب من ظلالي وأنا وسط غربتي وأنا تراي أقربلها من ظلالها
ماشافت عيوني من الناس غيرها ولا خلق رب الخلايق مثالها
أغلا بشر في جملة الناس كلهم وأكرم من يدين المزون وهاما لها
أتبع رضاها وأرتجي زود قربها واللي طلبته من حياتي وصالها
الصدق مرساها والأشواق بحرها والعطف وإحساس الغلا راس مالها
أهين فيها وأبتسم يوم قلبها يسأل وأنا قلبي يجاوب سؤالها
وإن أطلبتني شي فزيت مندفع أموت أنا وأحمل تعبها بدالها
أصبر على الدنيا والأحزان والتعب وأحمل على متني فطاحل جبالها
وأسهر وأعذب راحة القلب بالشقا وأعيش أعاني بس يرتاح بالها
تربية أبوي إللي على الطيب بذكره اللي وهبني للحياة ومجالها
نورلي دروبي وأنا طفل مبتدي حتى خلاني أصير واحد من رجالها
الوالدين أولى بالإحسان لأجلهم وأولى بتكريم النفوس وعدالها
أقولها وأنا على الله متكل والله عليم بقدرتي وأحتمالها
ياكلمة أغلا من الناس كلهم يا شمس بقلبي بعيد زوالها
يا فرحة تملي لي الكون بأكمله يا شجرة تكبر ويكبر ظلالها
تضحكلي الدنيا إللي أشف زولها مثل السماء تذهب طله هلالها
والبعد عنها ياناس ما أقدره لاشك ناري زايده بإشتعالها
ماأعيش ببلاد ولا هي بفرضها ولا بعيوني كان ماهي قبالها
أرض تدوس أمي بالأقدام رملها أموت فيها وأندفن في رمالها
_____________________________________________________________________
ها كيف الشعر حلو ولا لأ ؟؟؟
تقبلو خالص تحياتي
ولا تنسوا الردود
(( سندريلا ))